Республика заправкаларында яғыулыҡ ҡиммәтләнгән

«Башнефть» бер ай эсендә икенсе тапҡыр дизель яғыулығына хаҡтарҙы арттырған. Уның хаҡы 50 тингә ҡиммәтләнеп, 75,4 һумға еткән. Компанияның яғыулыҡ ҡойоу станцияларында бензиндың хаҡы үҙгәрмәгән.

«Башинформ» май айында компанияның яғыулыҡ ҡойоу станцияларында хаҡтың беренсе, ә йыл башынан 11-се тапҡыр үҙгәреүе тураһында хәбәр иткәйне.

«Лукойл» компанияһының яғыулыҡ ҡойоу станцияларында дизель яғыулығы 76,92 һум тора, тип яҙалар russiabase.ru сайтында.