Улар – Башҡортостандың ғорурлығы, тип билдәләне республика етәксеһе Радий Хәбиров.

Совет майҙанында кадеттарға йыл да 7 ноябрҙә Һамарҙа үткән Хәтер парадында ҡатнашҡандары өсөн наградалар тапшырылды. Уны 1941 йылдың 7 ноябрендә, Бөйөк Ватан һуғышы башланған саҡта, СССР-ҙың запастағы баш ҡалаһы Куйбышевта уҙған хәрби парад иҫтәлегенә ойошторола.

«Егеттәр был сарала «Берҙәм Рәсәй»ҙең төбәк бүлексәһе булышлығында ҡатнаша. Уларға уңыштар теләйем!», — тип хәбәр итте Радий Хәбиров.

Ике тапҡыр Советтар Союзы Геройы Муса Гәрәев исемендәге Өфө кадет корпусы тәрбиәләнеүселәре – буласаҡ хәрби летчиктар, Оборона министрлығы училищелары һәм академиялары студенттары, буласаҡ Ватанды һаҡлаусылар, тип өҫтәне республика етәксеһе.

Бынан алдараҡ Башҡортостанда мәктәптәргә Рәсәй һәм Советтар Союзы Геройҙарының исемдәре бирелде.