Яҡташыбыҙға башҡорт тирмә-музейын асырға ярҙам иткәндәр

Замандашыбыҙ Әлфиә Йосопова Өфө ҡалаһы янындағы Нуғай ауылында башҡорт тирмә-музейын асҡан. Уның проекты тыуған төйәктең тарихын, мәҙәниәтен һәм көнкүрешен популярлаштырыуға йүнәлтелгән.

Бер нисә йыл элек Әлфиә ҡала мэрияһында муниципаль бизнес-шерифҡа үҙенең идеяһы менән мөрәжәғәт иткән. Социаль эшҡыуарға презентация яһарға һәм юл картаһын әҙерләргә ярҙам иткәндәр, шулай уҡ учреждениены асыу өсөн грант алыу тураһында консультация биргәндәр.

Музей 2024 йылда эшләй башлаған. Һуңынан бында 70-кә яҡын кеше һыйҙырышлы икенсе ҙур тирмә асылған, хәҙер унда оҫталыҡ дәрестәре, күмәкләп сәй эсеүҙәр һәм төшкө аштар ойошторола, тип һөйләнеләр Радий Хәбировтың бизнес менән аралашыу төркөмөндә.