25 апрелдә Башҡортостан Бөтә Рәсәй өмәһенә ҡушылды.

Республикала өмәлә йәмғеһе 95 мең кеше һәм 15 мең предприятие ҡатнашты.

Өфөлә өмәгә 50 меңдән ашыу кеше сыҡты. Улар – торлаҡ-коммуналь хеҙмәттәр, предприятиелар һәм ойошмалар хеҙмәткәрҙәре, йәмәғәт ойошмалары вәкилдәре, ҡала халҡы, район һәм ҡала хакимиәттәре хеҙмәткәрҙәре.

Ихата биләмәләре һәм йәмәғәт киңлектәре тәртипкә килтерелде, тип хәбәр иттеләр баш ҡала хакимиәтендә. Өмә барышында 2,5 мең кубометрҙан ашыу сүп-сар сығарылды.