Республика етәксеһе 9 майҙа «Үлемһеҙ полк»ты һәм Парадты үткәреү тураһында һөйләне

Башҡортостан хөкүмәтендә уҙған оператив кәңәшмәлә республика етәксеһе Радий Хәбиров май байрамдары тураһында мөһим хәбәр еткерҙе. Ул Еңеү көнөнә бағышланған байрам сараларының ниндәй форматта уҙасағын аңлатты. «Үлемһеҙ полк» акцияһы быйыл хәүефһеҙлек сараларын үтәү кәрәклеге менән бәйле онлайн режимында ойошторола.

— Барыһын да ныҡлап уйлап эш итергә тейешбеҙ, — тине Башҡортостан Башлығы. — Көс структуралары етәкселәре менән фекер алышҡандан һуң шундай ҡарарға килдек. Парадтың репетицияһын дауам итәбеҙ, унда кеше аҙ ҡатнаша. Әгәр беҙгә үткәрмәҫкә тиһәләр, беҙ уны үткәрмәйбеҙ.