Башҡортостан Башлығы Радий Хәбиров хөкүмәттең оператив кәңәшмәһендә ата-бабаларыбыҙҙың ғаиләләрендә балаларҙың күп булыуына иғтибар итте.
– Яңыраҡ миңә үҙемдең шәжәрәмде бүләк иттеләр. Ял көндәрендә ҡарап сығырға ваҡыт булды. 1770 йылдар тирәһенән, исемлектәр башланғас. Һәр быуында кәмендә ете бала. Нәҫел Бәкерҙән башлана, уның 12 балаһы булған. Артабан – 12, 11, 7 бала, бына күпме бала булған элек, – тип билдәләне Радий Хәбиров.
Яҙғаныбыҙса, Башҡортостанда биш йылда ишле ғаиләләр 14 меңгә артҡан. Республикала бөтәһе 192 мең ғаилә дәүләт ярҙамы сараларынан файҙалана.