Өфөлә БПЛА һөжүме ваҡытында зыян күреүселәр тураһында ялған мәғлүмәтте кире ҡаҡтылар
Башҡортостандың Ғәҙәттән тыш хәлдәр буйынса дәүләт комитеты мөһим белдереү яһаны. Социаль селтәрҙәрҙә баш ҡалала пилотһыҙ осоу аппараттары һөжүме ваҡытында кешеләрҙең зыян күреүе тураһында ялған мәғлүмәт тарала. Ләкин был мәғлүмәт ысынбарлыҡҡа тап килмәй.
«Социаль селтәрҙәрҙә зыян күреүселәр хаҡында ялған мәғлүмәт таратыла, ул дөрөҫлөккә тап килмәй. Бөтә осраҡтарҙа ла граждандарҙың имгәнеүенә юл ҡуйылманы. Рәсми сығанаҡтарға ғына ышанығыҙ», — тиелә рәсми хәбәрҙә.
Хәтерегеҙгә төшөрәбеҙ, бөгөн иртән Өфө пилотһыҙ осоу аппараттарының террористик һөжүменә дусар булды. Башҡортостан Башлығы хәбәр итеүенсә, бер БПЛА киҫәктәре сәнәғәт зонаһына төшкән, тағы бер дрон Ғафури урамындағы йортҡа зыян килтергән.