Тәбиғәт көсө: Нөгөш йылғаһында боҙ китә
Башҡортостанда йәшәүселәргә Кәшәлә кордоны янындағы Нөгөш йылғаһында боҙ киткән кадрҙарҙы күрһәттеләр. Был күренеште «Башҡортостан» милли паркы хеҙмәткәрҙәре видеоға төшөрөп алған.
«Тәбиғәт көсө», — тинеләр ҡурсаулыҡта һәм боҙ киткәндә һыу ятҡылыҡтарына яҡын барырға ярамағанлығын иҫкә төшөрҙөләр.
Быйыл яҙ илдә боҙ ғәҙәттәгенән иртәрәк китә башланы, был климат шарттарының үҙгәреүенә бәйле.
Хәбәр иткәнебеҙсә, киләһе көндәрҙә лә республикала аномаль йылы һауа торошо һаҡлана.