Хоҡуҡ һаҡсылары ваҡиға сәбәптәрен асыҡлай.
Бөгөн социаль селтәрҙә Өфөлә мәктәп уҡыусыһының һәләк булыуы тураһында мәғлүмәттәр таралды. «Башинформға» ашығыс хеҙмәттәрҙәге үҙ сығанағы хәбәр итеүенсә, ҡыҙ бейеклектән ҡолап төшөп үлемесле йәрәхәттәр алған. Был хәл Өфөнөң Инорс биҫтәһендәге күп ҡатлы йортта булған.
Ваҡиға урынына ашығыс медицина ярҙамы һәм хоҡуҡ һаҡлау органдары хеҙмәткәрҙәре килеп еткән. Хоҡуҡ һаҡсылары ваҡиғаның сәбәбен һәм шарттарын асыҡлай.
Быға тиклем Башҡортостанда махсус машиналағы полиция хеҙмәткәренә һөжүм иткән ҡатынды хөкөм иткәйнеләр.