Башҡортостандан Абхазияға тура рейстар асыла
ЦУР-ҙа үткән хөкүмәт кәңәшмәһендә Башҡортостан Башлығы Радий Хәбиров Өфөнән Абхазияның баш ҡалаһы Сухумға тура рейстар асыласағы тураһында хәбәр итте.
«Рейс тураһында килештек, Алла бирһә, быйыл йәй оса башларбыҙ», — тине төбәк етәксеһе.
Быға тиклем Радий Хәбиров Абхазия премьер-министры Владимир Дельба менән осрашты. Рәсми ҡунаҡтың сәфәре барышында Өфөлә Рәсәй-абхаз мәҙәни үҙәге асылды.