Ял көндәре 7 марттан 9-ына тиклем дауам итә.
Быйыл 8 март байрамы йәкшәмбегә тура килә. Тимәк, ял көнө дүшәмбе, 9 мартҡа, күсерелә. Шулай итеп, аҙнаһына биш көн эшләгән хеҙмәткәрҙәр өс көн рәттән: 7, 8 һәм 9 мартта ял итә ала.
Шул уҡ ваҡытта 6 мартта эш көнө ҡыҫҡартылмай, сөнки байрам алды көнө булып тормай.
Дәүләт хеҙмәт инспекцияһында белдереүҙәренсә, 8 мартта эшләгән (график буйынса, вахта һәм башҡалар) хеҙмәткәрҙәр өсөн — ике (Рәсәй Хеҙмәт кодексының 153-сө статьяһы), 9 мартта бер көнлөк эш хаҡы ҡаралған. 7, 8 һәм 9 мартта ял итергә тейешле хеҙмәткәрҙе уның яҙма ризалығы менән генә эшкә йәлеп итергә мөмкин, түләү икеләтә күләмдә башҡарыла йәки ял көнө бирелә.