Республиканың ҡайһы бер райондарына ғына һауа торошо үҙгәрә.
«Бөгөн көндөҙ көньяҡта көслө ҡар, айырым райондарҙа көндөҙ боҙлауыҡ», — тиелә хәбәрҙә.
Башгидромет мәғлүмәттәре буйынса, киләһе тәүлектә республикала аяҙлы-болотло һауа торошо фаразлана. Бер аҙ ҡар, көндөҙ көньяҡта көслө ҡар яуыуы көтөлә. Айырым райондарҙа көндөҙ боҙлауыҡ. Ел көньяҡтан, көньяҡ-көнбайыштан секундына 3-8 метр. Һауа температураһы көндөҙ -1, -6°.
Ҡар яуғанда юлдарҙың айырым участкаларында 500-1000 метрҙан күреү мөмкинлегенең кәмеүе, көндөҙ көньяҡта ҡар һырынтылары булыуы ихтимал.