Башҡортостан менән күрше төбәктәрҙә тәүге тапҡыр «Ракета хәүефе» режимы иғлан ителде
Рәсәйҙең Ғәҙәттән тыш хәлдәр министрлығы бөгөн көндөҙгө сәғәт 1-се 6 минутта Татарстан халҡын ракета хәүефе режимы тураһында иҫкәртте. Хәбәр Рәсәй Ғәҙәттән тыш хәлдәр министрлығының рәсми ҡушымтаһына килде. Ракета хәүефе янаған осраҡта үҙеңде БПЛА һөжүме ваҡытындағы кеүек тоторға кәрәк.
Шулай уҡ ҡайһы бер киң мәғлүмәт саралары бөгөн көндөҙ Һарытау һәм Пенза өлкәләрендә ошондай режимдың ғәмәлдә булыуы хаҡында хәбәр итә. Пенза һәм Һарытау аэропорттарында ваҡытлыса сикләүҙәр индерелгән.
