Башҡортостанда яҙҙың тәүге көндәренә һауа торошо билдәле булды
Яҙҙың тәүге көндәрендә Башҡортостанда һауа торошо әллә ни үҙгәрмәй, тип фаразлайҙар Башгидрометүҙәктә.
Бөгөн, 27 февралдә, урыны менән бер аҙ ҡар яуыуы көтөлә. Ел көньяҡтан, көньяҡ-көнбайыштан талғын. Һауа температураһы көндөҙ -3, -8°.
Шәмбе, 28 февралдә, шулай уҡ бер аҙ ҡар яуыуы мөмкин. Ел көньяҡ-көнсығыштан, көньяҡ-көнбайыштан. Төндә -8, -13°, аяҙытҡанда -18°, көндөҙ һауа -4, -9° тиклем йылына.
Йәкшәмбе, 1 мартта, ҡар яуыуы, урыны менән боҙлауыҡ фаразлана. Ел көньяҡ-көнбайыштан, көнбайыштан талғын. Төндә -8, -13°, көндөҙ -3, -8° булыуы көтөлә.