«Азимут» авиакомпанияһы 30 марттан Өфө – Таулы Алтай – Өфө маршруты буйынса тура даими рейстарҙы тергеҙә.
Баш ҡала аэропортының матбуғат хеҙмәте хәбәр итеүенсә, рейстар аҙнаһына өс тапҡыр – дүшәмбе, кесе йома һәм йәкшәмбе көндәрендә 100 пассажирға иҫәпләнгән Superjet 100 самолеттарында башҡарыла.
Өфөнән осош – иртәнге 7 тула 20 минутта, ә Таулы Алтайҙан – көндөҙгө 1 тула 15 минутта. Һәр аэропортта осош урындағы ваҡыт буйынса башҡарыла.
Юлға 3 сәғәт 5 минут ваҡыт китә.