14 февралдә Өфөлә 72 пар өйләнешкән.
Ғашиҡтар көнөндә Башҡортостанда 174 пар ғаилә ҡорған. Уларҙың 72-һе Өфөлә өйләнешкән.
Өфөлә никахтарҙың күбеһе Киров районының ЗАГС бүлегендә теркәлгән – 13 пар, Ленин районында – 12 пар, өсөнсө урынды Октябрь һәм Совет райондары ЗАГС-тары бүлешкән – 10-ар никах. Республика буйынса Октябрьский ҡалаһы беренсе урында тора, унда 15 пар туй үткәргән, тип белдерҙеләр Башҡортостандың Юстиция эштәре буйынса дәүләт комитетында.
Ғашиҡтар араһында киләһе популяр датаны — 26.02.2026 иҫкә төшөрҙөләр. Был көнгә республикала 128 никах тураһында ғариза бирелгән.