Республикала йәшәүселәрҙе боҙло ямғыр хаҡында иҫкәрттеләр
14 ноябрҙә республикала уңайһыҙ метеорологик күренештәр фаразлана.
Башҡортостан буйынса Ғәҙәттән тыш хәлдәр министрлығының матбуғат хеҙмәте хәбәр итеүенсә, алдағы тәүлектә аяҙлы-болотло һауа торошо көтөлә. Урыны менән бер аҙ яуым-төшөм, башлыса ямғыр, айырым райондарҙа боҙло ямғыр, томан, боҙлауыҡ. Ел көньяҡтан, көньяҡ-көнбайыштан секундына 5-10 метр. Һауа температураһы төндә 0, +5°, аяҙытҡанда -5° тиклем, көндөҙ +3, +8°.
Юлдарҙың ҡайһы бер участкаларында томан төшкәндә күреү мөмкинлегенең 500 метрҙан кәмеүе фаразлана.