Башҡортостан участковыйы Рәсәйҙең Эске эштәр министрлығы конкурсында өсөнсө урынды яуланы
Рәсәй эске эштәр министры, полиция генералы Владимир Колокольцев илдең участковыйҙар коллективын Хеҙмәт ойошторолған көн менән ҡотланы.
Ведомство башлығы Рәсәй Эске эштәр министрлығының XV «Халыҡ участковыйы» Бөтә Рәсәй конкурсы еңеүселәрен бүләкләү тантанаһында ҡатнашты. Ярышта өсөнсө урынды Рәсәй Эске эштәр министрлығы Нефтекама буйынса бүлегенең полиция участка вәкиле, полиция майоры Айрат Ямалов алды.
Яҡташыбыҙға ведомствоның «Хеҙмәт батырлығы өсөн» миҙалы, маҡтау грамотаһы һәм ҡиммәтле бүләктәр тапшырылды.
Беренсе урын — Чечен Республикаһынан полиция капитаны Рамзан Дадуевта, икенселә – Ингушетия Республикаһының полиция майоры Мовсар Барахоев.
Рәсәйҙең Эске эштәр министрлығы башлығы Участковыйҙар хеҙмәтенең эске эштәр органдары системаһында төп подразделениеларҙың береһе булыуын билдәләне. Граждандар иң башта уларға ярҙам һорап мөрәжәғәт итә.