Башҡортостанда Шүлгәнташ мәмерйәһенә инеү графигы үҙгәрҙе
Хәҙер экскурсиялар көнөнә 4 тапҡыр ойошторола.
1 сентябрҙән Шүлгәнташ мәмерйәһенә инеү, музей-экскурсия комплексы буйлап экскурсиялар үткәреү графигы үҙгәрҙе. Хәҙер экскурсиялар көнөнә 4 тапҡыр ойошторола, тип хәбәр итә ҡурсаулыҡ етәкселеге.
Хәтерегеҙгә төшөрәбеҙ, пенсионерҙар, инвалидтар, хәрби хәрәкәттәрҙә ҡатнашыусылар, ишле ғаилә ағзалары, хеҙмәт ветерандары өсөн ярты хаҡ ғәмәлдә ҡала.
Ә 8 йәшкә тиклемге балаларға экскурсия бушлай, 9-16 йәшлектәр өсөн 50 % ташлама бар. Бөрйән районы халҡына льгота һаҡлана, бының өсөн паспортты күрһәтергә кәрәк.
Хәбәр иткәнебеҙсә, Башҡортостандың Шүлгәнташ мәмерйәһе ЮНЕСКО-ның Бөтә донъя мираҫы исемлегенә индерелгән.