Өфөнән Антальяға рейстар арттырыла

Өфөнән диңгеҙ курортына рейстарҙың дөйөм һаны аҙнаһына 29-ға еткерелә.

«Өфө» аэропортының матбуғат хеҙмәте хәбәр итеүенсә, сентябрь башында Azur air авиакомпанияһының Өфөнән Төркиәнең Анталья ҡалаһына өҫтәмә рейсы булдырыла. Әлеге теҙмәгә аҙнаһына бер рейс өҫтәлә. Шулай итеп, осоштарҙың дөйөм йышлығы аҙнаһына 7 рейсҡа тиклем арта.

Рейстарҙы башҡарыу өсөн заманса киң фюзеляжлы Boeing 767-300 самолеты йәлеп ителә.

Киңәйтелгән осоштар программаһы быйыл октябрь аҙағына тиклем ғәмәлдә була.

Хәтерегеҙгә төшөрәбеҙ, был йүнәлештәге рейстарҙы Southwind Airlines, Corendon Airlines һәм «Аэрофлот» авиакомпаниялары башҡара.

https://www.bashinform.ru/news/social/2025-08-29/reysov-iz-ufy-v-antalyu-stanovitsya-bolshe-4366342