Башҡортостанда МХО-ла ҡатнашыусылар Күп функциялы үҙәктә льготалар юллай ала
Бөгөн Күп функциялы үҙәктәр яңы бурыстарҙы хәл итеүҙә әүҙем ҡатнаша, был МХО-ла ҡатнашыусыларға һәм уларҙың ғаилә ағзаларына ярҙам сараларын күрһәтеүгә лә ҡағыла, тип иҫкә төшөрҙө Башҡортостан премьер-министры Андрей Назаров.
Хәҙер «Минең документтарым» офистарында улар бушлай парковкаларға, мәктәп уҡыусылары өсөн бушлай юл йөрөүгә, I һәм II төркөм инвалидлыҡ алған МХО яугирҙәрен бушлай күсмә хеҙмәтләндереүгә хоҡуҡ алырға мөмкин.
«Йыл аҙағына тиклем беҙҙең алда МХО-ла ҡатнашыусыларға һәм уларҙың ғаиләләренә үҙәккә бер килгәндә үк мөмкин тиклем күберәк ярҙам күрһәтеүҙе тәьмин итеү бурысы тора. Мин ошондай ярҙам сараларының кәмендә 90% Күп функциялы үҙәк аша алыуҙы ойошторорға ҡуштым», — тип билдәләне премьер-министр.