Республикабыҙҙа слесарь-ремонтсы лотереяла миллион отҡан
Еңеүсе үҙенең бәхетле билетын дәүләт лотереяһының мобиль ҡушымтаһында һатып алған.
Яҡташыбыҙ Никита И. дәүләт лотереяларында күптән ҡатнаша: башта билеттарҙы һатыу нөктәләрендә һатып алһа, хәҙер мобиль ҡушымта менән файҙалана. Бына, ниһайәт, уға уңыш йылмайған. Никита суперприз — 1 622 810 һум аҡса отҡан.
Һөнәре буйынса Никита — ремонт-технологик ҡоролмалар слесары. Балыҡ тоторға, эндурола йөрөргә ярата, әммә хәҙер күп ваҡытын эштә үткәрә. Аҡсаны ул торлаҡ һатып алыуға тәүге иғәнә индереү өсөн тотонорға уйлай.