ХМАО йәштәре Башҡортостанда милли кейемдә туй үткәргән
Йәштәр Салауат ҡалаһы ЗАГС-ына милли кейемдә килгән. Улар Ханты-Манси автономиялы округында йәшәй. Костюм, аҡ күлдәк урынына Эдуард Фәтҡуллин һәм Людмила Старченко башҡорт милли кейемдәрен һайлаған. Әйткәндәй, кейәү – Төмән өлкәһендә, ә кәләш Омск өлкәһендә тыуған.
Бынан алдараҡ «Башинформ» Көйөргәҙе районында Топольскийҙар ғаиләһенең бергә ғүмер итеүҙәренә 50 йыл тулыуы хаҡында яҙғайны.
