8 августа көслө магнит дауылы көтөлә
Ерҙә 8 августа һуңғы 2 айҙа иң көслө магнит дауылы көтөлә, тип хәбәр итә РИА Новости ғалим-астроном, Рәсәй Фәндәр академияһы профессоры Сергей Богачевҡа һылтанма менән.
Магнит дауылы күпселек кешеләр өсөн хәүеф тыуҙырмай. Әммә стрестан тиҙ генә сыға алмай йәки йөрәк-ҡан тамырҙары сирҙәренән яфаланғандарҙа хәлһеҙлек, баш ауыртыуы күҙәтелә. Магнит дауылдары техника, электр ҡорамалдарының эшенә лә йоғонто яһай.