Республикала көндәрҙең бер аҙ һалҡынайтыуы көтөлә
Башгидромет алдағы өс көнгә һауа торошо менән таныштырҙы.
Йома, 25 июлдә, көндөҙ урыны менән ҡыҫҡа ваҡытлы ямғыр яуыуы, йәшен йәшнәүе көтөлә. Ел төньяҡтан, төньяҡ-көнбайыштан талғын, көндөҙ урыны менән көслө. Һауа көндөҙ +22, +27° тиклем йылына.
Шәмбе, 26 июлдә, шулай уҡ урыны менән бер аҙ ямғыр яуыуы мөмкин. Ел төньяҡтан талғын. Һауа температураһы төндә +10, +15°, көндөҙ +19, +24°.
Йәкшәмбе, 27 июлдә, төндә урыны менән, көндөҙ республикала ҡыҫҡа ваҡытлы ямғыр фаразлана. Ел төньяҡтан талғын. Һауа температураһы төндә +8, +13°, көндөҙ +17, +22°.