Республиканың ашығыс хеҙмәттәре халыҡҡа мөрәжәғәт итте
Һүҙ янғын һәм һыу хәүефһеҙлеге тураһында бара.
Башгидрометүҙәк мәғлүмәттәре буйынса, 21-24 июлдә республиканың көньяҡ-көнсығышында ғәҙәттән тыш янғын хәүефе көтөлә. Башҡортостандың Ғәҙәттән тыш хәлдәр буйынса дәүләт комитеты ошо турала иҫкәртә.
Бынан тыш, республика халҡының телефондарына һыуҙа үҙеңде нисек тотоу кәрәклеге тураһында смс-хәбәр килде.
«Һыу объекттарында иғтибарлы булығыҙ! Балаларҙы ҡарауһыҙ ҡалдырмағыҙ! Рөхсәт ителгән урындарҙа ғына һыу инегеҙ! Тел: 112!» — тиелә хәбәрҙә.
«Башинформ» хәбәр иткәнсә, был аҙнала Башҡортостанда ямғыр яуыуы һәм йылы булыуы фаразлана.