Ғәҙәттән тыш хәлдәр министрлығы ҡойма ямғыр һәм йәшен хаҡында иҫкәртте
Республикала һауа торошоноң боҙолоуы көтөлә.
Башҡортостандың Ғәҙәттән тыш хәлдәр министрлығы мәғлүмәте буйынса, йома, 4 июлдә, аяҙлы-болотло һауа торошо фаразлана. Төндә урыны менән, көндөҙ республикала ҡыҫҡа ваҡытлы ямғыр, көндөҙ айырым райондарҙа йәшен йәшнәүе, урыны менән ҡойма ямғыр, боҙ-борсаҡ яуыуы көтөлә. Ел көньяҡ-көнбайыштан, төньяҡ-көнбайыштан, төндә тиҙлеге секундына 3-8 метр, көндөҙ 9-14 метрға етеүе ихтимал.
Һауа температураһы төндә +8,+13°, көндөҙ +18,+23°.
Юлдарҙың айырым участкаларында томан ваҡытында 500-1000 метрҙан, көндөҙ ямғыр яуғанда 1-2 саҡрымдан күреү мөмкинлеге кәмей.