Ғәҙәттән тыш хәлдәр министрлығы һыу баҫыу ихтималлығы хаҡында иҫкәртте
Тау һәм бәләкәй йылғаларҙа һыу кимәленең күтәрелеүе көтөлә.
Башҡортостандың Ғәҙәттән тыш хәлдәр министрлығы мәғлүмәттәре буйынса, 28 июндән 3 июлгә тиклем республиканың күпселек райондарында ямғыр, урыны менән көслө ямғыр яуыуы көтөлә. Ҡайһы бер райондарҙа күк күкрәүе, боҙ-борсаҡ яуыуы, елдең секундына 15-20 метрға тиклем көсәйеүе мөмкин.
Тау һәм бәләкәй йылғаларҙа һыу ташыуы, гидротехник ҡоролмаларға ағымдың артыуы, уйһыу ерҙәрҙе һыу баҫыуы ихтимал.
«Башинформ» хәбәр иткәнсә, Башҡортостанда ял көндәре ямғырлы була.