Бөгөн республика урмандарында уртаса класлы янғын хәүефе фаразлана
Бөгөн дәүләт урман фонды биләмәһендә икенсе-өсөнсө класлы янғын хәүефе фаразлана. 26 июнгә ут нөктәләре һаны: 6274 гектар майҙанда 275 дана.
Сағыштырыу өсөн, 2024 йылдың ошо уҡ осоронда Башҡортостанда 3869 гектар майҙанда 219 ут нөктәһе теркәлгән, тип хәбәр иттеләр республика урман хужалығы министрлығының матбуғат хеҙмәтенән.
Хәтерегеҙгә төшөрәбеҙ, янғын хәүефенең юғары булыуына бәйле Башҡортостандың урман хужалығы министрлығы Әбйәлил, Баймаҡ, Бөрйән урмансылыҡтары биләмәһендә урмандарға һәм уларға транспорт сараларының инеүенә элек индерелгән сикләүҙе оҙайтты. Урман үҫентеләрен ҡуртымға алыу һәм һатып алыу-һатыу килешеүенә ярашлы урмандарҙы һаҡлау, һаҡлау, тергеҙеү буйынса сараларҙы тормошҡа ашырған юридик шәхестәргә һәм граждандарға сикләү ҡағылмай. Әммә туристарға һәм һунарсыларға ҡәтғи ҡағыла, тип билдәләнеләр министрлыҡта.
Янғынға ҡаршы махсус режим шарттарында урмандарҙа янғын хәүефһеҙлеге ҡағиҙәләрен боҙоған өсөн граждандарға – 40 меңдән 50 мең һумға; вазифалы кешеләргә – 60 меңдән 90 мең һумға; юридик шәхестәргә 600 меңдән бер миллион һумға тиклем административ штраф һалыныуы мөмкин.
Башинформ хәбәр иткәнсә, 2025 йылдың 3 апреленән 26 июнгә тиклем бөтәһе 10 урман янғыны теркәлгән. Уҙған тәүлектә республикала янғындар булмаған.