Башҡортостанда Бүздәк − Саҡмағош-Дүртөйлө юлының 14 саҡрымы яңыртылды
Быйыл 19 саҡрым оҙонлоҡтағы һигеҙ участканы ремонтлау планлаштырыла.
«Тормош өсөн инфраструктура» милли проекты сиктәрендә Бүздәк − Саҡмағош − Дүртөйлө юлының алты участкаһында ремонт эштәре бара. Әлеге ваҡытта трассаның 14 саҡрым япмаһы яңыртылған. Хәҙер юлсылар юл ситтәрен нығыта.
Башҡортостандың Транспорт һәм юл хужалығы министрлығынан хәбәр итеүҙәренсә, Бүздәк – Саҡмағош – Дүртөйлө юлынан тәүлегенә 3,6 меңдән ашыу автомобиль үтеп китә. Ул Благовар, Бүздәк, Саҡмағош, Дүртөйлө райондары ауылдарын М-5 «Урал» һәм Р-240 Өфө – Ырымбур федераль трассалары, М-12 «Көнсығыш»ҡа инеү юлы менән тоташтыра.
Хәбәр иткәнебеҙсә, быйыл милли проект сиктәрендә Башҡортостандың 280 саҡрым терәк юл селтәре төҙөкләндерелә.