Популяр блогер Рөстәм Нәбиев – күп балалы атай
Башҡортостанда күп балалы ғаиләләр тағы берәүгә артты. Уҙған төндә Индира һәм Рөстәм Нәбиевтарҙың ғаиләһендә күптән көтөлгән ҡыуаныслы ваҡиға булды. Малайҙың исеме – Таир. Был хаҡта Башҡортостандың ғаилә, хеҙмәт һәм халыҡты социаль яҡлау министры Ленара Иванова социаль селтәрҙәге сәхифәһендә хәбәр итте.
«Нәбиевтар ғаиләһен ҡотлайым! Ура! Рөстәм Нәбиевтың улы тыуған! Тағы бер күп балалы ғаилә!», — тип яҙа ул сәхифәһендә.
Хәтерегеҙгә төшөрәбеҙ, Нәбиевтар ғаиләһендә София һәм Әминә исемле ике ҡыҙ үҫеп килә.