Республикала «Сәләмәтлек поезы» туберкулезға шик тыуҙырған тәүге осраҡты асыҡлаған
Башҡортостанда «Сәләмәтлек поезы» йыл башынан туберкулезға шик тыуҙырған тәүге осраҡты асыҡлаған, тип хәбәр итә республиканың һаулыҡ һаҡлау министрлығы.
«Сәләмәт республика — сәләмәт төбәк» акцияһы барышында табиптар 35 меңдән ашыу кешене ҡабул иткән. Тикшереү һөҙөмтәләре буйынса, 541 кешелә — шәкәр кимәленең күтәрәлеүе, 1493 кешелә — юғары ҡан баҫымы, 1272 кешелә артыҡ ауырлыҡ теркәлгән.
Табиптар социаль әһәмиәтле ауырыуҙарға шик тыуҙырған 49 осраҡты асыҡлаған. 39 кешелә — яман шеш, 99 кешелә — шәкәр диабеты, бер кешелә туберкулез булыуы ихтимал.
Сир билдәләре табылған пациенттар диагнозды асыҡлау өсөн республика медицина учреждениеларына тикшереүгә ебәрелгән, уларға дауа тәғәйенләнгән.
«Сәләмәтлек поездары»ның графигын бында ҡарарға мөмкин.