Башҡортостан ҡурсаулығында ҡырағай орхидея сәскә атҡан
«Шүлгәнташ» ҡурсаулығында унынсы йыл орхидея һымаҡтар ғаиләһенең һирәк осраған төрҙәрен күҙәтәләр. Уларҙан иң беренсе ҡыҙыл китапҡа индерелгән әшәлсә сәскә ата. Бында ул бер урында ғына, төрлө үләнле болонда үҫә.
Быйыл ҡурсаулыҡ хеҙмәткәрҙәре бик иртә – 10 майҙан һуң сәскә атыу осрағын, шулай уҡ 400-гә яҡын үҫемлекте теркәгән, шуларҙың 150-һе сәскә атҡан. Быға ҡыш һәм яҙ көнө һауа шарттарының уңайлы булыуы сәбәпсе, тип тип белдерҙеләр «Шүлгәнташ»та.
