Өфөлә сәләмәтлек байрамы ойошторола

Өфөнөң Аксаков исемендәге баҡсаһында 16 майҙа «Халыҡ һаулығы көндәре» байрамы уҙғарыла. Был сараны Республика кардиология үҙәге командаһы ойоштора.

Тематик аллеяла һәр кем үҙенең ҡан баҫымын үлсәтә, ә махсус зонала сәләмәт туҡланыу принциптары тураһында белә ала. Һаулыҡ үҙәктәрендә йөрәк-ҡан тамырҙары сирҙәренә диагностика һәм анкета үтергә мөмкин.

Һаулыҡ һаҡлау үҙәктәре сәғәт 12-нән эшләй. Байрам рәсми рәүештә көндөҙгө сәғәт 2-лә асыла.

Программала – Өфөнөң ижади коллективтары сығыштары, балалар өсөн оҫталыҡ дәрестәре һәм спорт эстафеталары.

Бынан алдараҡ «Башинформ» республикабыҙҙың һуғыш ветерандары госпитале Рәсәйҙә иң яҡшыһы тип танылыуы хаҡында яҙғайны.

6+

https://www.bashinform.ru/news/social/2025-05-15/v-ufe-proydet-prazdnik-zdorovya-4236268