Өфөнән Истанбулға тура рейстар арттырылды
Башҡортостанда йәшәүселәр Төркиәгә йышыраҡ осорға мөмкин. Республиканың Транспорт министрлығы хәбәр итеүенсә, хәҙер Өфөнән Истанбулға тура рейстар күберәк.
«Башинформ» яҙғанса, 1 июндән Utair авиакомпанияһының Өфө — Истанбул маршруты буйынса тура рейстары башлана.
Рейстар аҙнаһына бер тапҡыр — йәкшәмбе башҡарыла.
Өфөнән самолет көндөҙгө 1-се 30 минутта, ә Истанбулдан киске 5-се 25 минутта оса. Юлға 4 сәғәт 55 минут ваҡыт китә.
Рейстар 186 урынға иҫәпләнгән Boeing 737-800 самолеттарында башҡарыла.
Әлеге ваҡытта Red Wings авиакомпанияһы ла Истанбулға тура рейстар башҡара. Шулай итеп, Өфөнән Истанбулға осоштар аҙнаһына өс тапҡыр ойошторола.