Башҡортостанда уҡыусылар һәм студенттар ҡатнашлығында «Еңеү вальсы» акцияһы ойошторола
Башҡортостанда Бөйөк Ватан һуғышында Еңеүҙең 80 йыллығына арналған «Еңеү вальсы» республика акцияһы үткәрелә. Акцияла ҡатнашыусылар 8 майҙа «Беҙ – Бөйөк Еңеү вариҫтары!» лозунгы аҫтында Өфөнөң Совет майҙанына йыйыла.
2024 йылдан акцияның инициаторы – республиканың мәғариф һәм фән министрлығы. Еңеүҙең 80 йыллығы айҡанлы акция икенсе тапҡыр үткәрелә. 8 майҙа акцияға 1000-дән ашыу уҡыусы, колледж һәм юғары уҡыу йорттары студенттары дәррәү ҡушылыр тип көтөлә.
«Еңеү вальсы» ябай сара ғына түгел, ә быуындар диалогы, балаларҙы һәм йәштәрҙе үҙ иленең героик үткәне менән таныштырыу. Акция йәмғиәтебеҙҙе берләштерә. Был тарихҡа ихтирам, ветерандарҙы хөрмәтләү, Тыуған илеңде яҡларға әҙер булыу һәм тыныслыҡҡа ынтылыш», — тип билдәләйҙәр Башҡортостандың Мәғариф министрлығында.
Бынан алдараҡ республикабыҙ йәштәре Бөйөк Ватан һуғышы ветерандарын хөрмәтләп иҫкә алды.