Республикала бер аҙ ямғыр яуыуы һәм ҡырау төшөүе фаразлана
Киләһе көндәрҙә Башҡортостанда бер аҙ ямғыр яуыуы һәм ҡырау төшөүе фаразлана. Синоптиктар мәғлүмәте буйынса, шаршамбы, 30 апрелдә, әллә ни яуым-төшөм көтөлмәй, көндөҙ төньяҡ-көнбайышта бер аҙ ямғыр яуыуы ихтимал. Ел көньяҡтан, көньяҡ-көнбайыштан талғын, көндөҙ урыны менән көсәйеүсән. Һауа температураһы көндөҙ +9, +14°.
Кесаҙна, 1 майҙа, төндә урыны менән, көндөҙ республикала ҡыҫҡа ваҡытлы ямғыр көтөлә. Ел көнбайыштан, урыны менән көсәйеүсән. Температура төндә +1, +6, көндөҙ +8, +13°.
Йома, 2 майҙа, урыны менән бер аҙ ямғыр. Ел төньяҡтан талғын. Һауа температураһы төндә 0, +5°, урыны менән һауала һәм тупраҡ өҫтөндә -3°, ҡырау төшә, көндөҙ +10, +15°.