Өфөлә навигация миҙгеле башлана

Өфөлә 19 апрелдән навигация миҙгеле башлана. Был турала мэрияла үткән оператив кәңәшмәлә белдерҙеләр. Быйыл, 79-сы навигация миҙгелендә, өс паром кисеүе эшләй: «Трамплин», Сипайлово һәм Дудкин, шулай уҡ Сипайлово — Йәшел морон – Сипайлово ҡала маршруты ойошторола. Козарез кисеүенән баҡсасылар 1 майҙан йөрөргә мөмкин. Май уртаһынан, һыу кимәле түбәнәйгәс кенә, ДОК йөк-пассажир йүнәлеше планлаштырыла.

Расписание һәм тарифтарҙы кисеүҙәр хеҙмәтенең рәсми сайтында урынлаштырырға вәғәҙә итәләр. Әлегә унда былтырғы мәғлүмәт кенә бар.

Хәтерегеҙгә төшөрәбеҙ, уҙған миҙгелдә паром кисеүҙәренән 230 меңдән ашыу пассажир һәм 36,5 мең берәмек техника үткән.

https://www.bashinform.ru/news/social/2025-04-16/v-ufe-nachinaetsya-sezon-navigatsii-4201086