Башҡортостанда йәшәүселәр өсөн яңы Өфө-Таулы Алтай йүнәлеше асыла
Башҡортостан халҡы өсөн яңы Өфө-Таулы Алтайға йүнәлеше асыла. Тура рейс менән 3 июндән башлап осорға мөмкин. «Азимут» авиакомпанияһы маршрутты шишәмбе көндәрендә 100 пассажир өсөн иҫәпләнгән Superjet 100 самолеттарында башҡара.
Өфөнән осоштар иртәнге 8-се 5 минутта планлаштырыла. Кире йүнәлештә иһә көндөҙгө 2-се 10 минутта. Һәр аэропорт өсөн урындағы ваҡыт. Ҡалалар араһындағы юлға 3 сәғәт 5 минут ваҡыт китә, тип хәбәр иттеләр Өфө аэропортының матбуғат хеҙмәтенән.
Бынан алдараҡ Башинформ авиакомпанияның Өфөнән Батумиға тура рейстарҙы тергеҙеүе хаҡында хәбәр иткәйне.