Башҡортостанда ҡар ҡатыш ямғыр яуыуы фаразлана
Алдағы көндәрҙә Башҡортостандың ҡайһы бер райондарында ҡар ҡатыш ямғыр яуыуы фаразлана, тип хәбәр итә синоптиктар.
Башгидромет мәғлүмәттәре буйынса, бөгөн көндөҙ яуым-төшөм көтөлмәй. Ел төньяҡ-көнбайыштан, көнбайыштан талғын. Һауа температураһы көндөҙ +5,+10 градус.
Шәмбе, 5 апрелдә, төндә урыны менән, көндөҙ республикала бер аҙ ямғыр, төндә айырым райондарҙа ҡар ҡатыш ямғыр фаразлана. Ел көнбайыштан, урыны менән көсәйеүсән. Һауа температураһы төндә -1, +4, көндөҙ +10, +15 градус.
Йәкшәмбе, 6 апрелдә, һауа торошо әллә ни үҙгәрмәй. Шулай уҡ төндә урыны менән, көндөҙ республикала бер аҙ ямғыр, төндә айырым райондарҙа ҡар ҡатыш ямғыр яуыуы ихтимал. Ел көнбайыштан талғын. Һауа температураһы төндә -1, +4, көндөҙ +13, +18 градус, төньяҡта +8 градусҡа тиклем.