Алдағы өс көндә Башҡортостанда йылы һауа торошо көтөлә
Алдағы өс көндә Башҡортостанда йылы, яуым-төшөмһөҙ һауа торошо көтөлә. Башгидромет хәбәр итеүенсә, һауа көндөҙ +13° тиклем йылына.
28 мартта яуым-төшөмһөҙ. Ел көнсығыштан, көньяҡ-көнсығыштан талғын. Һауа температураһы төндә +1, -4°, көнсығышта -9° тиклем, көндөҙ +7, +12°.
29 мартта ла яуым-төшөмһөҙ. Ел көньяҡтан, көньяҡ-көнсығыштан талғын, көндөҙ көсәйеүсән. Һауа температураһы төндә 0, -5°, көндөҙ +8, +13°.
30 мартта йәнә яуым-төшөмһөҙ, көндөҙ урыны менән бер аҙ ямғыр яуыуы ихтимал. Ел көньяҡтан, көньяҡ-көнсығыштан талғын, көндөҙ көсәйеүсән. Һауа температураһы төндә 0, -5°, көндөҙ +8, +13°.