Өфөлә «Лада Калина»ны йотҡан урын яңынан ишелә башлаған
Өфөнөң Интернациональ урамында, «Лада Калинаны» йотҡан урында, йәнә ер убылған, тип хәбәр итә урындағы халыҡ. Улар әйтеүенсә, соҡор көндән-көн ҙурая. Граждандарҙы яҡлау идаралығында хәлде контролдә тотоуҙары тураһында белдерҙеләр.
«Температураның бер күтәрелеүе, бер түбәнәйеүе һөҙөмтәһендә тупраҡ баҫылған, яҡын арала соҡорҙо ҡабаттан күмеү эштәре башҡарыла», – тип хәбәр иттеләр ведомствоның матбуғат хеҙмәтенән.
Хәтерегеҙгә төшөрәбеҙ, 9 март төнөндә баш ҡалабыҙҙың Интернациональ урамындағы бер йорт ихатаһында ер ишелеп, ағас һәм «Лада Калина» автомобиле соҡорға төшөп киткәйне. Автомобилде махсус техника менән сығарғандар.