Өфө – Рәсәйҙең иң ҡунаҡсыл ҡалаларының береһе
Өфө илдең иң ҡунаҡсыл ҡалалары рейтингында өсөнсө урында тора. Уны SuperJob порталы төҙөгән. Башҡортостандың баш ҡалаһы Волгоградтан һәм Омскиҙан ғына ҡалыша. Дүртенсе урында – Ҡазан, бишенселә – Силәбе.
Рейтингты төҙөү өсөн ҡала халҡынан туристарҙың артыуын хуплаймы-юҡмы икәнен һорағандар. Күберәк кеше «эйе» тип яуап бирһә, ҡала шул тиклем «ҡунаҡсыл» тип иҫәпләнгән.
Волгоградта һорауға яуап биреүселәрҙең 68% ҡунаҡтарҙың артыуына ыңғай ҡарашта, Омскиҙа — 65%, Өфөлә — 64%. Санкт-Петербург 43% күрһәткес менән 14-се урында килә. Мәскәү халҡының 39% ғына туристарҙы ярата.
Бынан алдараҡ «Башинформ» Башҡортостанда туризмды үҫтереү хаҡында яҙғайны.