Башҡортостанда грипп менән сирләү осраҡтары арта
Башҡортостанда респиратор инфекциялар менән сирләү осраҡтары арта бара. Уҙған аҙнала республикала 28,7 мең кеше ауырыу йоҡторған, уларҙың яртыһы – 14 йәшкә тиклемге балалар. Шуның менән бергә 64,3% осраҡта грипп диагнозы ҡуйылған. Башлыса гриптың А А (H1N1) вирусы өҫтөнлөк итә. Уҙған ете көн менән сағыштырғанда сирлеләр 2,5% артҡан, тип хәбәр итте Роспотребнадзор.
Бынан алдараҡ «Башинформ» Башҡортостандың санитар табиптарының дезинфекция сараларын һайлау буйынса кәңәштәрен баҫтырып сығарҙы.