Радий Хәбиров Рамаҙан айында барыһына ла тырышырға кәңәш бирҙе
1 мартта изге Рамаҙан айы – ураҙа тотоу һәм ихлас доға ҡылыу ваҡыты башланды. Радий Хәбиров дүшәмбе хөкүмәттең оператив кәңәшмәлә барыһына ла мөмкин булғанса шуға ҡушылырға тәҡдим итте.
— Башыма насар уйҙар килмәһен өсөн мин дә үҙемә ниндәйҙер сикләүҙәр индерергә булдым. Ошо йәһәттән һәммәбеҙгә лә тырышырға кәрәк, — тип билдәләне Башҡортостан Башлығы.
Бынан алдараҡ «Башинформ» Радий Хәбировтың Башҡортостан мосолмандарын изге Рамаҙан айының башланыуы менән ҡотлауын хәбәр иткәйне.