Социаль фонд балалы ғаиләләргә аҡсаны күсереү көнөн хәбәр итте
Балалы ғаиләләргә февраль айы өсөн аҡса карталарға һәм иҫәптәргә 3, 5 һәм 7 мартта күсерелә, тип белдерҙеләр Рәсәй Социаль фондында.
«Әгәр түләү датаһы ял көнөнә тура килһә, аҡса бер көнгә алдараҡ күсерелә. Шуға күрә мартта баланы йәш ярымға тиклем тәрбиәләү буйынса пособие 8-ендә түгел, ә 7-һендә түләнә, — тип асыҡлыҡ индерҙеләр Слциаль фондта. — Әгәр пособие иртәнсәк килмәһә, кискә тиклем көтөргә кәрәк».
Почта аша пособие почта бүлексәһенең эш графигына ярашлы айҙың 1-25-се көндәрендә килә.
Бынан алда Соцфонд рәсәйҙәрҙең әсәлек капиталын былтыр нисек тотоноуҙары хаҡында хәбәр иткәйне.