Радий Хәбиров республика халҡын Башҡортостандың Дәүләт флагы көнө менән ҡотланы
Башҡортостан Башлығы Радий Хәбиров республика халҡын 25 февралдә билдәләнгән Дәүләт флагы көнө менән ҡотланы. Ул тыуған ергә сикһеҙ хөрмәт һәм киләсәк быуындарға тапшырыла килгән ҡиммәттәр символы булып тора, тип билдәләне республика етәксеһе.
«Беҙҙең флаг, милләтенә, диненә, йәшенә, һөнәренә ҡарамайынса, республиканың бар халҡын берләштерә. Яҡташтарыбыҙҙың ҡаҙаныштарын һәм батырлыҡтарын иҫкә төшөрә. Яңы уңыштарға һәм еңеүҙәргә илһамландыра», — тип яҙҙы Радий Хәбиров социаль селтәрҙәге сәхифәһендә.