Өфөлә популяр бала табыу йортонда партнер менән бала табыу тыйылды
17 февралдән Өфөнөң республика клиник перинаталь үҙәгендә партнер менән бала табыу туҡтатылды. Медицина учреждениеһында белдереүҙәренсә, был сара ваҡытлыса — махсус бойороҡҡа тиклем.
Билдәләнеүенсә, ваҡытлыса тыйыу карантин менән бәйле.
«Киҫкен респиратор вирус инфекцияһы менән сирләү осраҡтарының артыуына бәйле санитар-эпидемиологик хәүефһеҙлек көсәйтелә. Тыйыу февраль аҙағына тиклем ғәмәлдә ҡала», — тип хәбәр иттеләр республика Һаулыҡ һаҡлау министрлығының матбуғат хеҙмәтенән
Бынан алдараҡ Башҡортостанда иң йәш һәм иң оло әсәнең йәше билдәле булды.