Яҡташыбыҙ 15 килограмдан ашыулыҡ суртан тотҡан
Асҡын районының Любимовка ауылынан Виктор Уваров 15,5 килограмм ауырлыҡтағы суртан тотҡан.
Йома көндө ул Әүәҙәй ауылы янындағы Төй йылғаһына балыҡ тоторға килгән. Виктор әйтеүенсә, ҙур суртанды сығарыуы еңелдән булмаған.
«Балыҡты һыуҙан тартып сығарыу өсөн сәғәт ярым ваҡыт китте. Ярай әле, ҡармаҡ ебе өҙөлөп, суртаным ҡаса алманы. Өс тапҡыр шулай булғайны инде», — тип һөйләгән балыҡсы «Асҡын яңылығы» гәзитенә.
Виктор Борисович табышын туғандарына һәм таныштарына таратып биргән, иҫтәлеккә фотоға ла төшкән.
Викторҙың 45 йылдан ашыу балыҡ тотоу менән мауыға. Бигерәк тә ул ҡышҡыһын балыҡҡа йөрөргә ярата.
