Башҡортостанда чиновниктың өләсәһе 102-се тыуған көнөн билдәләне
«Хәләл ефетем менән өләсәйемде, Бөйөк Ватан һуғышы ветеранын тыуған көнө менән ҡотланыҡ! Уға бөгөн 102 йәш тулды», – тип яҙа социаль селтәрҙә Сибай хакимиәте башлығы вазифаһын башҡарыусы Сергей Озерцов.
Әйткәндәй, Башҡортостанда көтөлгән ғүмер оҙайлығының артыуы теркәлгән – 73,13 йәш. Быйыл йыл аҙағына республикабыҙҙа көтөлгән ғүмер оҙайлығы 74 йәшкә етергә тейеш.
Бынан алдараҡ Учалы районының Миндәк ауылында йәшәгән хеҙмәт ветераны, тыл эшсәне Александра Леоноваға 100 йәш тулыуы хаҡында хәбәр иткәйнек.